Jeep® ги открива првите слики од новиот електрифициран Jeep Grand Cherokee 4xe 2022

12 July 2021

На одбележувањето на Денот на Stellantis EV, 2021 година, брендот Jeep® ги претстави првите слики од новиот Jeep Grand Cherokee 4xe Plug-In Hybrid 2022.

Во текот на изминатите 30 години, Grand Cherokee стана најнаградуваниот теренец во историјата, собирајќи безброј награди во индустријата и регистрирајќи над 7 милиони продадени возила ширум светот. Петтата генерација на гамата Grand Cherokee ќе биде официјално претставена на изданието во Њујорк на Меѓународниот саем на автомобили во 2021 година.

Воведувањето на Jeep Grand Cherokee 4xe во годината кога марката Jeep слави 80 години успех и иновации, претставува понатамошен чекор кон проширување на електрификацијата и зајакнување на визијата на марката „Нула емисии, 100% слобода“.