Марката Jeep® ја открива сликата на својот прв целосно електричен SUV

02 March 2022

Во рамките на претставувањето на стратешкиот план “Dare Forward 2030” на Stellantis, извршниот директор Карлос Таварес прикажа слики од првиот 100% електричен SUV на Jeep, уште една од многуте преземени иницијативи на марката на глобално ниво која се стреми кон комплетна електрификација на сопствената гама на SUV возила. Овој нов, целосно електричен SUV на Jeep, ќе биде лансиран на почетокот на идната година и на тој начин ќе се прошири понудата на марката и претставува уште еден чекор кон концептот базиран на визијата на Јеер  “Zero Emission Freedom” (Слобода со нула емисии). Повеќе информации за BEV Jeep, ќе бидат споделени во текот на наредните месеци.

Во моментов прикажаниот SUV Jeep® не е достапен за европските пазари бидејќи моделот се наоѓа во претпроизводство и сè уште не е хомологиран за продажба. Продажбата за европските пазари е предвидена кон првата половина на 2023 година. Вредностите на потрошувачките и емисиите на издувни гасови, како и дополнителни информации за верзиите за европските пазари ќе може да се најдат на официјалната веб-страна на Jeep® веднаш штом моделот биде пуштен во продажба. Сликата е идникативна и служи само за илустративни цели. Прикажаните бои и детали може да бидат на располагање или пак да бидат променети кога возилото ќе биде достапно за нарачка.