Вести
Торино, 26 април 2023 – Jeep® Avenger, првиот 100% електричен SUV на Jeep, доби уште едно признание од страна на специјализираниот печат: ја освои титулата “Best Small Car” (Најдобар мал автомобил) на Конкурсот “Autocar Awards” 2023, кои ги прославуваат најдобрите нови автомобили кои денес се продаваат во Обединетото Кралство, а ги оценува жири составено од неколку најискусни специјализирани новинари за автомобилизам.
Зборувајќи за победата на Jeep Avenger, Марк Тишо, уредник на Autocar, изјави: „Поминете малку време со тимот што го создаде Avenger, и ќе ја разберете посветеноста на овие страсни луѓе и колку напорно работеа за да создадат модел кој носи нешто навистина различно во класата на мали SUV. Дизајнот на Avenger е вистински SUV на Jeep, со карактер којшто ја истакнува робусноста. Пропорциите се совршени и, како и најдобрите мали автомобили, плени на прв поглед. Avenger фасцинира и со уживањето при возење: управувањето и воланот се задоволувачки, а електричната енергија е предност за возење низ град. И изгледа многу пософистицирано отколку што може да сугерира неговата големина. Иако Avenger можеби е мал однадвор, никогаш не дава чувство на мал автомобил однатре, благодарение на големиот капацитет на просторот за складирање“.
Jeep Avenger е „врв на дијамантот” на низа, целосно електрични возила со високи перформанси и со димензии замислени за европскиот пазар и претставува клучен елемент на глобалната стратегија за електрификација на марката, која има за цел да стане светски лидер во продажбата на SUV возила со нула емисии. Дизајниран и конструиран како возило на Jeep, уште од првиот ден, Avenger ја вгради ДНК-та на марката во еден компактен SUV со уникатен спој на способности, стил, функционалност и технологија. Дава одлични перформанси, иновативна технологија и интуитивно поврзување, со електрична автономија – кога станува збор за целосно електрична верзија – до 400 km во циклусот WLTP и над 550 km во градско возење. Едноставниот и брз начин на полнење гарантира 30 километри автономија со само три минути полнење.
За да се задоволат сите потреби на клиентот, Avenger е на располагање и со бензински мотор од 1200 cm3 кој развива максимална моќност од 100 коњски сили при 5500 вртежи, и максимален вртежен момент од 205 Nm при 1750 вртеќи. Овој мотор гарантира забрзување од 0 до 100 km/h за 10,6 секунди и ниво на емисии на CO2 пониско од 130 g/km.
Забавен и возбудлив за возење, овој нов SUV е наменет за лицата кои се активни и бараат возило со компактни димензии и авангардни технолошки карактеристики. Моделот е проектиран за да ги задоволи потребите на европските клиенти.